परिचय :- विदयार्थिनीमधील सुप्त गुणांना वाव देणे आणि त्यांना स्वतःच्या क्षमतांची जाणीव करून देण्यास मदत करणे. आम्ही विदयार्थिनीना नानाविध छंदांची ओळख करून ते जोपासण्यास मदत करतो जसे पाठांतर, सर्जनशील लेखन, काव्यलेखन, भेटकार्ड बनविणे, चित्रकला, गायन, शिवणकला, नृत्य, कला कौशल्य, सामान्यज्ञान, प्रश्नमंजूषा,नवनवीन पुस्तकांचे वाचन, बालनाटय प्रयोग, हस्तकला इ. शाळेच्या प्रत्येक दिवसाची सुरूवात सामूहिक परिपाठाने होते. सर्व विदयार्थिनी आणि शिक्षकांची उपस्थिती अनिवार्य असते. परिपाठाच्या माध्यमातून विदयार्थ्यांना सर्वांपुढे येऊन बोलण्याची संधी दिली जाते. जेणे करून विद्यार्थ्यांमध्ये सभाधीटपणा आणि आत्मविश्वास निर्माण होईल. परिपाठामध्ये शिक्षक आणि विदयार्थी विविध नैतिक कथा, बोधकथा सांगतात, ज्याद्वारे विदयार्थिनीवर उत्तम संस्कार घडतात. त्याचबरोबर गुरुपौर्णिमा, संस्कृत दिन, क्रांती दिन, बालदिन, हिंदी दिन, जागतिक मराठी दिवस अशा कार्यक्रमाच्या वेळी नेहमी समाजातील विविध क्षेत्रातील अनेक प्रतिष्ठित गुणवंत व्यक्तींना शाळेत प्रमुख पाहुणे म्हणून आमंत्रित केले जाते, त्यांच्या मार्गदर्शनाचा लाभही विद्यार्थिनी व शिक्षकांना होतो.

गटचर्चा :- सुरुवातीला वर्गात शिकवताना विदयार्थिनीचे गट पाडले जातात त्यांना एखादी पूर्वनियोजित विषय देऊन चर्चा करण्याची, मत मांडण्याची संधी ही दिली जाते. तसेच अनौपचारिकरित्या म्हणजे आयत्या वेळी एखादा विषय देऊन हो गट चर्चा घडविल्या जातात.

शैक्षणिक सहली / क्षेत्र भेटी :- विदयार्थिनींच्या सर्वांगीण विकासासाठी. बाह्य जगताचे ज्ञान होण्यासाठी, प्रशाले तर्फे विविध शैक्षणिक सहली, क्षेत्र भेटी, अभ्यास भेटीचे आयोजन दरवर्षी केले जाते. सर्व सहली विद्यार्थिनींच्या अभ्यासक्रमाशी संबंधित असतात तसेच सर्व शिक्षकांच्या मार्गदर्शनाखाली त्यांचे आयोजन केले जाते.

शालेय शिस्त: शालेय शिस्त हाच शालेय व्यवस्थापनाचा कणा मानला जातो. त्यामुळेच शाळेत स्वयंशिस्तीवर भर देण्यात आला आहे. शाळेचे संपूर्ण व्यवस्थापन अतिशय सुसंघटित व शिस्तबध्द आहे. शाळेच्या कामकाजाच्या सर्व नोंदी नियमित अद्ययावत असतात. शाळेतील कोणतीही समस्या / प्रश्न / तक्रारी प्राधान्याने आणि बिना विलंब करता अडचणी सोडविल्या जातात.

कुमुदिनीबाई गोविंदजी दोशी सांस्कृतिक कला मंदिर :- सोलापूर शहराचे आकर्षण असणारे, नाटय कलावतांचे माहेरघर असणारे कला मंदिर हे शाळेचे बलस्थान आहे. अनेक सांस्कृतिक कार्यक्रमांचे प्रदर्शन या रंगमंचावरून होते.

रानफूल योजना :- समाजातील शिक्षणापासून वंचित असलेल्या मुलींना शिक्षणाच्या प्रवाहात आणण्यासाठी त्यांना प्रेरित करणे तसेच प्रत्यक्ष त्यांना त्यांच्या घरी जाऊन शिकवणे या हेतून गेली अनेक वर्षे रानफूल योजना कार्यान्वित आहे. यामध्ये शिक्षकांसोबत विद्यार्थिनींचाही सहभाग आहे. यशोदानंद दत्तक पालक योजना : इ. १० वीच्या विद्यार्थिनीसाठी ही खास योजना आहे. प्रशालेतील प्रत्येक शिक्षकांस दहा विद्यार्थिनी वर्षभरासाठी दत्तक दिल्या जातात. त्यांच्या अभ्यासाचा पाठपुरावा करणे, येणाऱ्या अडचणी सोडवणे, अधिक अभ्यास करण्यास प्रेरीत करणे आणि शिक्षक- विद्यार्थिनी यांच्यातील पालकत्वाचा बंध दृढ करणे हे या योजनेचे उद्दिष्ट्य आहे.

यशोदानंद दत्तक पालक योजना :- इ. १० वीच्या विद्यार्थिनीसाठी ही खास योजना आहे. प्रशालेतील प्रत्येक शिक्षकांस दहा विद्यार्थिनी वर्षभरासाठी दत्तक दिल्या जातात. त्यांच्या अभ्यासाचा पाठपुरावा करणे, येणाऱ्या अडचणी सोडवणे, अधिक अभ्यास करण्यास प्रेरीत करणे आणि शिक्षक विद्यार्थिनी यांच्यातील पालकत्वाचा बंध दृढ करणे हे या योजनेचे उद्दिष्ट आहे.

शालेय समिती व्यवस्थापन :- संस्था पदाधिकारी, प्रशाला प्रमुख शिक्षक व शिक्षकेत्तर प्रतिनिधी या सर्वांच्या समन्वयाने व सहकार्याने शालेय समिती कार्यरत आहे. प्रशासकीय कार्याचे नियमन करणे, प्रशालेच्या सर्वांगीण प्रगतीच्या दृष्टिने महत्त्वपूर्ण निर्णय घेणे व त्यांची अंमलबजावणी करणे यासाठी शालेय समिती महत्त्वाची आहे.

• १. मा. श्री. उमेश मराठे (शालेय समिती अध्यक्ष)
• २. मा. श्रीमती. शीला मिस्त्री (सदस्या)
• ३. मा. श्रीमती. विजया निसर (सदस्य)
• ४. मा. श्री. श्रीकांत येळेगावकर (सदस्य)
• ५. मा. डॉ. शिरीष गोडबोले (निमंत्रित)
• ६. मा. श्री. अमोल चाफळकर (निमंत्रित)
• ७. मा श्रीम. अश्विनी गानू (निमंत्रित)
• ८. मा. वीणा पत्की (सदस्या)
• ९. मा. राजश्री रणपिसे (मुख्याध्यापिका)
• १०. मा. संध्या सुतार (शिक्षक प्रतिनिधी)
• ११. मा. महादेवी कोळी (शिक्षकेतर प्रतिनिधी)

पालक संघ :- शिक्षक, पालक आणि विद्यार्थ्यांचा विकास शक्य आहे यासाठी प्रतिवर्षी पालक संघ स्थापना केला जातो .प्रशालेच्या विविध उपक्रमात त्यांना सहभागी करून घेतले जाते शाळा आणि सर्व पालकवर्ग यांच्यातील दुवा म्हणून प्रत्येक इयत्तेचे पालक प्रतिनिधी महत्वाची भूमिका बजावतात.

• १. श्री.अनंत पांडुरंग तेरकर (अध्यक्ष)
• २. सौ.सविता हनुमंत देशमुख (उपाध्यक्ष)
• ३. सौ.रुपाली अप्पा गवळी (सचिव)
• ४. सौ.सुवर्णा महादेव शिंदे (सदस्य)
• ५.सौ.ऋतुजा गिरीष शहाणे (सदस्य)
• ६.सौ.स्नेहल सचिन कटारे (सदस्य)
• ७.सौ.पूनम सुधीर ठाकूर (सदस्य)